МАЙСОН ЧЕЛСИ БАГИЙГ ХОЁР УДАА АВАРЛАА

Ватфордтой тоглоход хожлын цорын ганц гоолыг Зуйечийн дамжуулалтаар Майсон оруулсан. Энэ хожлыг сүүлийн үед ихээхэн шүүмжлэлд өртөх болсон Томас Тучель “Азын хожил” гэж өөрөө нэрлэсэн. Тэгвэл талбай дээрээ 0:1-ээр Лийдс багт хожигдож явахад тэнцээний гоолыг оруулж, тоглолтыг эргүүлсэн тоглогч бол мөн л Майсон байлаа. Тэр нэгдүгээр үеийн төгсгөлд Марко Алонсогийн зүүнээс өгсөн хөндлөн дамжуулалтыг хаалгачийн баруун өнцөгт цохиж гоолын салхийг хагалсан. -Тоглолт улам бүр хүндэрч байна. Эхний эгнээний багууд нэг ч оноо алдахгүй урагшилж байна. Хожиж байж л топ-3-ын байр сууриа хадгалж байна. Өмнө нь хоёр тэнцээд л бид тэргүүллээ алдсан. Тиймээс тоглолт бүрийг ялж байж л Премьер Лигт түрүүлэх хүслээ биелүүлнэ. Гэхдээ бүх юм санаснаар болохгүй , өрсөлдөөн улам бүр чангарч, нэг оноо авахад ч амаргүй болж байна гэж Тучель хэллээ.

Б.ПҮРЭВДОРЖ