Үндэсний спорт
Бет
Дархан аварга А.Сүхбат 2000, 2001, 2004 онд Улсын баяр наадамд түрүүлсэн. 2006 онд гэнэт зодог тайлж, бөхийн хорхойтнуудаа гонсойлгосон . 2014 онд Улсын наадамд дахин зодоглож, Өсөхбаяр аваргатай зүүний магнайг булаацалдсан. Тэр маргаанд ялснаар Өсөхбаярын өмнө зогсох эрэмбээ тогтоосон гэж үздэг. Гэвч Өсөхбаяр ( 2002, 2003, 2005, 2009) аварга улсын наадамд нийтдээ 4 удаа түрүүлсэн буюу А.Сүхбатаас нэг түрүү илүү. Адилхан дархан аварга цолтой. Ялгаа нь Өсөхбаяр дархан аварга жил бүр наадамдаа зодоглосоор буй. Гэтэл энэ жилийн наадамд А.Сүхбат дархан аварга зодоглож шинжтэй боллоо. Тэрбээр Төв аймагт, Дүнжингарав галд А.Сүхбат аварга бэлтгэлээ базаасан байна. Түүнийг улсын наадамд дахин зодоглоход шинээр батлагдсан хууль нөлөөлсөн байна. Мөн А.Сүхбатын зэрэгцээ цагийг эзэлсэн их аварга Х.Баянмөнх бас сураг гарсан. Хэрэв Баянмөнх аварга зодогловол зүүний магнайг тэргүүлэх нь ойлгомжтой. Улмаар тавын давааны өмнө цолоо дуудуулан зодогоо дахин тайлах ёслол хийхийг хөгжөөн дэмжигчид үзэх болох нь.
Э.ОТГОО
1 сэтгэгдэлтэй
Сүхбат аварга зүүний магнай шүү Эхлээд аварга болсон нь тэргүүлдэг уламжлал биздээ