Хоккейн энэ оны насанд хүрэгчдийн Дэлхийн аварга шалгаруулах тэмцээн тавдугаар сарын 5-21-ний хооронд явагдаж өндөрлөлөө. Аваргын алтан медалийн төлөө Швед болон Канадын багууд тулж сонирхолтой тоглолт үзүүлсэн. Үндсэн цаг нэг нэгээр тэмцсэн бөгөөд нэмэлт цагт ч ялагч тодроогүй. Улмаар буллитээр ялагч тодруулахад Шведийн багаас. Бёкстрём, Экман-Ларссон нар Канадын хаалганд шайбаа оруулж багтаа алтан медалийг авчирлаа. Шведийн баг дөрвөн жилийн дараа Дэлхийн аварга цолоо эргүүлэн авч буй нь энэ юм.

Харин хүрэл медалийн төлөө Оросууд Финландын багтай тоглосон. Энэ удаагийн тоглолтод манай хойд хөршүүд 5:3-аар хожсон бөгөөд Гусев 2 гоол, 1 дамжуулалт, Ткачёв 1 гоол, Киселевич 1 гоол, Н.Кучеров 1 гоол тус тус оруулсан.

Тэмцээний үнэ цэнэтэй тоглогчоор Шведийн шигшээ багийн Нюландер тодорсон бол шилдэг хаалгачаар Оросын Василевский, шилдэг хамгаалагчаар Германы шигшээ багийн Д.Зайденберг, шилдэг довтлогчоор Оросын А.Панарин шалгарчээ. Ирэх жилийн ДАШТ-нийг Дани улс зохион байгуулахаар болсон байна.

О.ДАШНЯМ