Английн премьер лигийн 26 тойргийн хамгийн сүүлийн тоглолт өнгөрсөн шөнө явагдаж өндөрлөлөө. Энэ удаа Лондоны Челси Уатфордын “Викарэж Рөүд” цэнгэлдэхэд зочилж 4:1-ээр ялагджээ. Тоглолтын эхнээс Уатфорд илүү довтолсон тоглолт үзүүлж  байсан нь 42 дахь минутанд үр дүнгээ өгч Троё Дийни торгуулын цохилтоос гоол оруулсан юм.

Харин 81 дэх минутанд Челсигийн Белги тамирчин Эден Азарын гоцлон тоглолт амжилттай болж  гоёмсог гоолоор багтаа бэлэг барив. Үүнээс ердөө хоёрхон минутын дараа Дарел Янмаат Тибо Куртуагийн хаалгыг мялааж Уатфордод дахин тэргүүллийг авчирсан.  Тэргүүллийг гартаа авсан талбайн эздийн гоол үүгээр дууссангүй. Делафеу, Роберто Перера нар  гоолдож тоглолтын эцсийн цэгийг тавьжээ. Челсигийн хагас хамгаалагч Бакаяоко 30 дахь минутанд улаан картаар торгуулсан нь хожигдлын гол шалтгаан болсон юм.

Ийнхүү Уатфорд 30 дахь оноогоо авч 11 дүгээр байр дэвшсэн бол Челси ялагдаж 50 оноотойгоор дөрөвдүгээрт бичигдэж байна.

 

 

Д.НЯМАА